NM NC3 Snooker 15 Rød

Me er stolte av å kunna ønska velkommen til NM i snooker (15 raud) på Stord, 10. - 13. mai 2018! Me satsar på å laga eit heilt unikt noregsmeisterskap i dei flotte lokala våre i Podlen, som til NM vil ha heile åtte snookerbord med god plass rundt alle borda!

Me er no i full gang med å førebu oss til NM, og vil bruka denne sida til å halda spelarar og andre interesserte oppdatert om det som skjer i mai.

Første speledag er torsdag 10. mai (Kristi himmelferdsdag), og i fire dagar vil det bli kampar og full aktivitet i lokala våre i Podlen, før noregsmeisteren 2018 blir kåra søndag 13. mai. Det blir streaming frå to av borda alle dei fire dagane, i tillegg til at me vil få plass ein tribune, sånn at publikum kan ta turen til Podlen og sjå på når dei beste snookerspelarane i Noreg speler! Entré er gratis!

Informasjon om transport/reise for spelarar:
---------------------------------------------------------
Stord lufthamn (Sørstokken) ligg få minutt med køyring fra Stord Snookerklubb. Stordflyet har to daglege avgangar frå Gardermoen. Her er det 18-avgangen onsdag kveld som passar best.

Me har fått forhandla fram ein spesialpris for spelarane som nyttar seg av Stordflyet og dermed flyr direkte frå Oslo til Stord: 690 kroner per person per veg, inkludert bagasje! Billettane må tingast seinast 14 dagar før avreise. Ved ombooking påløper det eit ombookingsgebyr på 200,- pr. person pr. veg, det same gjeld ved namnebytte. Ved kansellering av billett vert skattar og avgifter refunderte. Bestill anten på telefon: 53403700 eller på e-post: billett@stordlufthamn.no

Eit anna alternativ er å fly til Haugesund lufthavn (på Karmøy). Me kjem til å arrangera gratis transport for spelarane, sånn at dei blir henta på flyplassen med minibuss og frakta til hotellet sitt – både frå Stord og Haugesund lufthavn! Me kjem tilbake med tider for henting.

I tillegg vil det bli gratis transport med minibuss frå dei ulike hotella kvar morgon under NM, slik at ein slepp å tenkja på transport sjølv.

Dersom ein treng å reisa frå lokalet til hotella/sentrum på andre tidspunkt, kan òg Leirvik Taxi, som sponsar NM, tilby gode fastprisar. 1-4 pers: 200 kr. 5-8 pers: 300 kr. Dette gjeld onsdag 9. mai til søndag 13. mai, heile døgnet.

Informasjon om hotell:
-----------------------------
Me har forhandla fram gode prisar for spelarane under NM på dei ulike hotella.

Grand Hotell - midt i Leirvik sentrum (12 min i bil til snookerklubben).
- Standard enkeltrom: 745 kr pr. døgn.
- Standard dobbeltrom: 975 kr pr. døgn.
- Standard trippelrom: 1235 kr pr. døgn.
Frukost er inkludert.
Bestill direkte på booking@grand-hotell.com eller tlf: 53 40 96 00. Bruk referanse "snooker18".

Stord Hotell - 10 min gange til Leirvik sentrum (10 min i bil til snookerklubben).
- Standard enkeltrom: 995 kr pr. døgn.
- Standard dobbeltrom: 1195 kr pr. døgn.
- Familerom: 1495 kr pr. døgn.
Frukost er inkludert.
Bestill direkte på booking@stord-hotel.no. Bruk referansen "Snooker-turnering 2018".

Almås Hotell (OBS! NM-pris gjeld til og med 22. april) - 10 min gange til Leirvik sentrum (10 min i bil til snookerklubben).
- Standard enkeltrom: 790 kr pr. døgn.
- Standard dobbeltrom: 990 kr. pr. døgn.
Frukost og kvelds er inkludert.
Bestill direkte på post@almaas-hotell.no eller tlf: 53 40 99 99.

Me kjem som sagt med minibuss til alle desse hotella kvar morgon og fraktar spelarane til spelelokalet!

Bankett:
-----------
Laurdag kveld (12. mai) blir det arrangert NM-bankett på "Blå time" i Leirvik sentrum. Her blir det pizzabuffet (110 kr pr. pers), og baren er sjølvsagt open. Moglegheit for å spela shuffleboard. Dørene opnar klokka 19, og maten er klar ca. kl. 20.

Kleskode:
-------------
Henta frå TBR punkt 6.6.4:
"Ved deltakelse i NM Snooker (15 Rød, 6 Rød og Lag) skal alle utøvere bruke:
i.Vest (ikke skinnvest) med klubblogo, og
ii.langermet, ensfarget skjorte med krage, og
iii.formell svart dressbukse med belte, og
iv.formelle, svarte skinn- eller lakksko."

Oppmøte:
--------------
Offisiell NM-opning er torsdag 10. mai klokka 09.30. Då må alle spelarane vera i lokalet for opning og fellesinformasjon. Ordførar i Stord kommune Gaute Straume Epland står for den offisielle opninga.

Sal av mat og drikke:
-----------------------------
Det blir kiosksal under heile NM med sal av brus, drikke, kioskvarer, i tillegg til ein middagsmeny med gode rettar!

Kafémeny:
Torsdag: Kyllingfocaccia (60 kr pr. porsjon)
Fredag: Heimalaga pizza med fersk salat (1 stykke 25 kr, 2 stykker 45 kr, 3 stykker 60 kr)
Laurdag: Kyllingfocaccia (60 kr pr. porsjon)
Søndag: Pastasalat med focacciabrød (50 kr pr. porsjon)

Kioskmeny:
Ferske baguettar 55 kr
Nysteikte vafler 15 kr
Kakestykke 10 kr
Frukt 15 kr
Kaffe 10 kr
Kaffeavtale 50 kr
Brus 20 kr
Wienerpølse 25 kr

Facebook:
--------------
Me har laga eit eige Facebook-arrangement for snooker-NM der me òg oppdaterer med relevant informasjon: https://www.facebook.com/events/1956837907913234/