Stord Snookerserie 1. divisjon våren 2017

Det er klart for nytt seriespel, og på grunn av gledeleg stor interesse for serien har me no utvida til to divisjonar - Elite og 1. divisjon. Elitedivisjonen skal framover fast bestå av 10 spelarar der dei som hamnar på 9. og 10. plass rykker direkte ned til 1. divisjon, mens spelaren som hamnar på 8. plass skal spela kvalifiseringskamp mot spelaren som hamnar på 3. plass i 1. divisjon (best av 5) om plass i neste sesongs elite. Spelarane som hamnar på 1. og 2. plass i 1. divisjon rykkar direkte opp til Elite.

Om ein av spelarane som er kvalifisert for elite av ein eller annan grunn vel å ikkje delta i neste seriespel, vil den ledige plassen bli tilbydt taparen av kvalifiseringskampen, deretter den som hamna på fjerdeplass i 1. divisjon osv.

Elitedivisjonen består alltid av 10 spelarar, mens det kan variera kor mange spelarar 1. divisjon består av. Om det er 12 spelarar eller meir i 1. divisjon, vil divisjonen bli delt opp i to puljer (+ sluttspel).

Turneringsbord: Bord 1 (nærmast scenen) er turneringsbord og det er dette ein nyttar i kampane. For å sørga for at det alltid er bord ledige for dei som vil trena, blir det berre sett opp ein kamp om gongen.

Oppmøte: Alle har fått moglegheit til å komma med ønske om når dei vil spela kampane sine. Om ein likevel ikkje får moglegheit til å møta til oppsett tidspunkt, tar ein kontakt med motstandaren sin i god tid før kampen og avtaler nytt tidspunkt for kampen – på eit tidspunkt det ikkje allereie er oppsett ein annan kamp i serien! Dette for å unngå at alle borda blir opptekne og det ikkje blir mogleg å spela for dei som vil trena. Det er spelaren som ikkje hadde moglegheit til å møta til opprinneleg tidspunkt sitt ansvar at kampen blir spelt, og denne må ta initiativ til at kampen blir gjennomført. Om kampen ikkje er blitt gjennomført innan seinast 16. mai, vil resultatet bli sett til 2-0 til motstandaren. Ved spesielle omstende kan ein få utsett denne fristen.

Om ein spelar ikkje møter opp til kampen utan å ha gitt beskjed, skal motstandaren ta kontakt for å avtala nytt tidspunkt og spelaren som ikkje møtte vil få ei åtvaring dersom kampen ikkje kan bli spelt den dagen. Om dette gjentar seg vil Biljardforbundet sine reglar for punktlegheit i puljespel gjelda. For meir informasjon, sjå: http://www.biljardforbundet.no/info/index.html?10_3_1_-_punktlighet.htm

Innmelding av resultat: Kampresultat skal meldast inn så fort som mogleg etter kampslutt.

Plassering ved likt antall sigrar: Det er Biljardforbundet sine reglar for plassering ved likt antall sigrar som gjeld. Altså vil innbyrdes oppgjer gå først dersom to eller fleire står med likt antall sigrar. Meir info her: http://www.biljardforbundet.no/info/index.html?10_4_2_4_-_plassering_i_pulje.htm

Kleskode: Minimumskrav er kleskode C, men med pique-skjorte med klubblogo og sponsormerke på overkropp. For meir informasjon, sjå: http://www.biljardforbundet.no/info/index.html?6_6_5_kleskode_c.htm