Biljardonsdag 23.08.17

Førstkommande onsdag startar biljardonsdag på Osvald opp igjen, og som tidlegare skjer opningsstøtet i første kamp ikkje så lenge etter at klokka har passert 19. Det betyr at du må vera på Osvald før det for å vera med, evt. gi beskjed til turneringsleiar om du blir nokre minutt forsinka.

Det kostar som tidlegare 50 kr å vera med, og som i vår vil 100 kr frå innsatsen kvar gong bli sett av til ein svær totalpott som vil bli delt ut etter at runde 18 av 18 er ferdig onsdag 20. desember. Her vil vinnaren få 70% og den som kjem på 2. plass 30%, dvs. 1250 kr til vinnaren, 550 kr til nr. 2. Etter kvar enkelt runde får den som kjem på 2. plass tilbake innsatsen (50 kr), mens vinnaren stikk av med det som er igjen (dette vil variera frå gong til gong).

Det blir innført nytt poengsystem denne hausten, som forhåpentleg både er enklare og meir rettferdig i forhold til systemet som blei brukt i vår:
- Vinnar: 8 poeng
- Tapar finale: 6 poeng
- Tapar semifinale: 4 poeng
- Tapar kvartfinale: 2 poeng
- Utslått i puljespel: 1 poeng

Det vil med andre ord lønna seg å stilla, slik det var i vår, men ein får betre betalt for å gjera det bra. Om det etter at alle dei 18 rundane i haust er over skulle visa seg at det står heilt likt i poengsum mellom to eller fleire spelarar, vil vinnaren vera den som har flest førsteplassar, deretter flest andreplassar osv.

Vel møtt til første runde i den nye sesongen av biljardonsdag, altså førstkommande onsdag!