Biljardonsdag 11.01.17

Velkommen til ny runde med biljardonsdag på Osvald, vinteren og våren 2017. Nytt av sesongen er at vi bruker Cuescore til å administrera kampoppsett og tabellar, i tillegg til at det blir innført nytt poengsystem for samanlagtlista. Dette gjer at fra no av får alle poeng for kvar runde dei er med. Det vil altså lønna seg å stilla, uansett kva plassering ein får.

Poengfordeling er slik: 1. plass: 100 poeng, 2. plass 87 poeng, 3. plass 77 poeng, 4. plass 70 poeng, 5. plass 64 poeng, 6. plass 59 poeng, 7. plass 54 poeng, 8. plass 49 poeng, 9. plass 44 poeng, 10. plass 40 poeng, 11. plass 36 poeng, 12. plass 32 poeng, 13. plass 28 poeng, 14. plass 25 poeng, 15. plass 22 poeng, 16. plass 19 poeng, 17. plass 16 poeng ...

Som før vil det kosta 50 kr å vera med, men nytt av året er at det vil bli premie til dei som gjer det best på samanlagtlista òg. 100 kr av det som kjem inn kvar gong vil sett av til samanlagtpremie som vil bli fordelt mellom nr. 1 og 2 (70% - 30%) når me er ferdige i starten av mai. Av dei pengane som er igjen kvar onsdag vil nr. 2 få igjen innsatsen, mens den som vinn kvar enkeltturnering får resten av potten.

For dei som har Cuescore-konto er det mogleg å melda seg på på førehand via Cuescore, men elles er det berre til å møta som vanleg på Osvald kl. 18 kvar onsdag. Oppstart er altså no på onsdag, 11. januar! Ta med deg godt humør og inviter gjerne andre til å bli med!