Organization

Hyllestad IL, BG Norway

Follow
You need to log in to perform this action

Share this page

Nina Torvund, Astrid Eiken Flage og resten av Hyllestad Biljard er på lag med Tore Bråstad og flinke folk i Multivolt AS!

MultiVolt AS er Hyllestad IL Biljard sin nye hovudsponsor!

Jan 14, 2019 Gjermund Flage

Dagleg leiar Tore Bråstad seier "at dei er svært tilfreds med å kunne vere hovudsponsor for eit biljardlag i norgestoppen og med medaljar i Europa. Dette passar godt overeins med MultiVolt sine ambisjonar om å oppnå gode resultat i ein sterk nasjonal og internasjonal konkurranse". Her er Bråstad saman med Europameister i 10 ball Nina Torvund (t.v.), som saman med Astrid Eiken Flage, også vann EM- bronse for lag i 2018.

MultiVolt AS har hovudkontor i Leirvik (Hyllestad kommune), samt avdelingar i Dale (Fjaler Kommune) og Sløvåg (Gulen kommune). I tillegg har dei montørbase i Molde. Selskapet utfører elektrisk installasjonsarbeid innan småkraft/fornybar energi, landbasert industri, offentleg/privatmarknad, havbruk, samt marin og maritim industri.

Vi er imponert over den raske veksten selskapet har hatt sidan oppstarten i 2013 og synest det er tøft at dei satsar «world wide» med eigenutvikla produkt! Vi i Biljarden har lenge sagt at "alt er muleg", og slik opplever vi at Multivolt også tenkjer- sjølv om vi kjem frå ein liten kommune i Ytre Sogn.

Vi i "Biljarden" ønskjer også å bli flinkare med "produktutvikling", og vi ser fram til å "sparre" med Bråstad og dei andre tilsette i Multivolt om tiltak som kan vere med å løfte sporten. Vi ønskjer fleire aktive utøvarar og større interesse rundt sporten. For tida blir det arbeidd (nasjonalt) med å heve kvaliteten på "livesendingar" (stream), men målet er at på sikt så kjem vi oss inn på Eurosport og andre TV kanalar.

I Hyllestad så har vi allereie sett i gang eit nytt tiltak med "Multivoltligaen"- den skal gje våre unge håpefulle god kamptrening fram mot NM for juniorar i mars og i mai. Eit anna konsept vi har diskutert litt, er å få igang ein bedriftsliga der bedriftene spelar på lag mot kvarandre. Dette har vi god tru på at vil slå an, og målet er å kome i gang hausten 2019 i ny salong i Hyllestadhallen! 

Alt er muleg - heia Hyllestad!

Comments

Chat ()
Last message from:
    Please log in to comment