Organization

Federashon Biyar Korsou Curacao

Follow
You need to log in to perform this action

Share this page

Kampionato Korsou 9-Ball Januari 2020

Federashon Biyar Korsou su promè aktividat a resulta super eksitoso.
Un total di 29 biyardista a partisipa na e kampionato nashonal bola 9.
E evento tabata patrosina pa Montana Bierhuis y House of Billiard Play.

Hopi tenshon tabatin y tambe sorpresa. Un sigur ku mester menshona ta di ShonRi Jacobino ku su 92 anja ta sorprende Marlon Pietersz y finalmente ganè ku skor perta 9 pa 8. E resultado aki a trese un momentu di alegria pa hopi y a hala hopi su atenshon ku mester tene na kuenta e konosementu di wega di e veteranonan.

Den buelta di ganador e 4 hungadornan ku a keda invikto tabata Allun Huang ku a gana Karl Vervuurt pa pasa pa e semifinal pa bin topa Johnny Hellmund ku ta gana Jeffrey Nieuwenhuijzen.
Den semifinal den buelta di ganador Johnny ta gana Allun y pasa pa final. Den buelta di perdedor Sybren Boekhoudt a sigi riba e ruta pa final, pero lastimamente eta ta kai kontra Jeffrey. Jeffrey ta bin topa Allun y ta gana y bai final.
Den un tremendo partido Jeffrey ta gana Johnny den final ku skor di 11 pa 6.

Resultadonan final ta; empata na puesto 5, Karl Vervuurt y Michael Arvelo, puesto 4 Sybren Boekhoudt, puesto 3 Allun Huang, subkampion Johnny Hellmund y kampion di Korsou Bola 9 2020, Jeffrey Nieuwenhuijzen.

FEBIKO ta felisita tur su finalistanan y ta rekorda tur miembro ku pa fin di februari e evento na turno ta Bola 10. 
E siman aki ta ranka sali djaweps awor ku Liga Bola 9 na House Billiard Play, Landhuis Granbeeuw.

Johnny Hellmund, Jeffrey Nieuwenhuijzen, Allung HuangDi robes pa drechi, Johnny Hellmund, Jeffrey Nieuwenhuijzen y Allun Huang

 

Comments

Chat ()
Last message from:
    Please log in to comment